Көрнекті жазушы, драматург, публицист Жүсіпбек Аймауытұлының туғанына 135 жыл толды.
Осы орайда Ұлттық ғылым академиясының академигі, «Қазақ газеттерінің» Бас директоры Dikhan Kamzabekuly Алаш арысының өмірі мен шығармашылығына қатысты тың деректермен бөлісті.
Өздеріңіз білетіндей, Мемлекет басшысы Түркістанда өткен Ұлттық құрылтайда Саяси қуғын-сүргін құрбандарын толық ақтау жөніндегі мемлекеттік комиссия құпия құжаттарды зерттеу кезінде Жүсіпбек Аймауытов жазған делінген шығарманы тапқанын айтқан болатын. Ғалымдардың мұқият зерттеуінен кейін Жүсіпбек Аймауытұлының абақтыда жазған «Тез өлмен» өлеңі жарияланды.
Алаш арыстарының өмірі туралы зерттелмей жатқан ақтаңдақ әлі де жетерлік. Алдағы уақытта ұлы тұлғаларымызға қатысты осындай бейнежазбалар түсіріп, тың деректермен бөлісіп отыратын боламыз.
