Республикалық «Мектепке жол – шекарасыз жақсылық» науқандық акциясы Мақтаарал ауданында да өтті.
Аудан орталығы Мырзакент кентінің орталық алаңында өткен іс-шарада мектеп оқушыларына арналған киім-кешек тігетін отандық фабрикалар өз өнімдерінен жәрмеңке өткізді. Мектепке қажетті кеңсе тауарларын сатушылар да өз тоуарларын ұсынып, тұтынушылардың бір жерден керек-жарағын алуына жағдай жасады.
Акцияның негізгі мақсаты – жаңа оқу жылына дайындық уақытында аз қамтамасыз етілген және көпбалалы отбасылардан шыққан оқушыларға қолдау көрсету, жетім балаларға, ата-анасының қамқорлығынсыз қалған балаларға, көп балалы отбасы балаларына көмек көрсету.
Жәрмеңкеге облысымыздың және ауданымызың кәсіпкерлері қатысып, оқушыларға оқуға қажетті құрал-жабдық, мектеп формасы, спорттық киімдермен және тағы басқа тауарларды 10-15 пайыздық жеңілдік бағалармен ұсынды.
